كلمه واحده

كلمه واحده
كلمه واحد راح اقولها ومش هاخاف من اى شىء
لما غزه تبقى ضلمه وابنى فيها يموت غريق
ولما سكوتنا يبقى شهامه ولما خوفنا يكون صديق
ولما عمى ولما خالى يبقو اسرى والغريب حر وطليق
يبقى دى نهاية العروبه لانهاية كل شىء
لما امى ولما اختى يبكو من الخوف والجراح
ولما جدى ولما ستى يبكو على الابن اللى راح
ولما اخويه ياناس يتذل ولليهودى يقول سماح
ولما صاحبى ياناس يسبنى لوحدى واقف فى الطريق
يبقى دى نهاية العروبه لانهاية كل شىء
ولما الدنيا واقفه بتضحك وفلسطين مليانه دموع
ولما ياعربى تكون شبعان واخوك هناك مليه الجوع
يلا بقى تعالى نعود يلا بقى ننوى الرجوع
ساعتها بس اقدر اقول بصوت قوى عالى مسموع
هى دى بداية العروبه هى بداية الرجوع

هاي مينو يا اشعارك يا جميل احساسك عالي وربنا يخليك لمصر ودايما تكتب والف مبروك علي النجاح مقدما بوسي

فعلا اكثر من رائع يسلمووووووو