اه حبيبتى لو تعرفى

من طرف mino الثلاثاء أغسطس 19, 2008 4:42 pm

1-قالو الحب عذاب وجنون قلت عذاب الحب يهون

مدام حبيبى ليسه معايه

قالو الحب جراح والام قلت ياناس والله حرام

ده الحب اجمل حكايه
قالو الحب كلام افلام وقالو كمان عليه اوهام

قلت ياناس ده الحب مرآيه
فيها الحبيب يشوف حبيبه
ملاك من السما نازل ليه
يبقى معاه يبقى فى حضنه
يبقى جنبه وبين ايديه
اوعى فى يوم تسمعى كلامهم
اوعى فى يوم يخدعوكى
لأن الحب عمره ما جالهم
علشان كده بيبعدوكى
اوعى فى يوم تشكى فيا
واوعى حبيبتى يغيروكى
اه حبيبتى لو تعرفى
أد ايه بشتاق اليكى
اه حبيبتى لو تسمعى
نبض قلبى بيناديكى
بيناديكى بعلو الصوت
ويقول حبيبتى انا بين ايديكى
انا مستعد اواجه الموت
مقابل نظره من عنيكى
مقابل غمزه من رموشك
مقابل لمسه من ايديكى
اه حبيبتى وانتى معايه
بحس كأنى مالك الكون
بحس بحب غريب جوايه
بحس بحب كله جنون
نفسى اخطفك ونروح بعيد
لدنيا فيها نور جديد
دنيا حب ودنيا شوق
دنيا كل ايامها عيد